logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
Ponedjeljak, 29 Listopad 2018 10:15

Rapski kantunić Josa Fafanđela: DUPINI

Rapska fjera dobila je ovih dan nagradu. I to velu - ni manje ni više nego da je to bil najbolji turistički događaj godine. I čestitat valja sviman, dabome. A turistički izleti? Neka znate da bi mi i za to mogli dobit, ako ne velu, a ono makar jednu manju nagradu.

Objavljeno u Beseda po domaću
Utorak, 23 Listopad 2018 10:58

Rapski kantunić Josa Fafanđela: DUPERANJE

Kuntrivan ja Anđela Brnu va onomu novomu gradu, tobože Šarengradu, va Malomu Palitu. Gre un po ulici, ali vajk va zadnje vrime gre samo od sazmorca. Tobože, tamo od banke pa na vamo. Nikad z druge bande.

Objavljeno u Beseda po domaću

Va jednomu lipomu danu i ovo san, ma odavna već, zapisal: "...Ne, ne - ni većega gušta nego rano z jutra na more poć. Tiho je i bonaca kako da mora ni, a sunce se jušto pomalo diže zgor Velebita. Obala zelena, žal miruje, a more je ne samo mirno nego i bistro kako suza. Dno se vidi, ježići se leno miču, travina se na stenju lenasto lela, a ona lipa i šara žotrica na prešu uteče od jedne va drugu bužu. Jedino ona mala bajica ima kuraja pa će se z vamin dobre volje i malo poigrat. Črška više ni, pa se i tići bolje čuju va gušću, a gori visoko lastavice igraju kolo, dozivaju se i šapuću - bit će da se i one pomalo za partencu svoju parićivaju. A galebi! Ma kako galeba ne spomenut! Oni se svakuder prezentaju. Zgora letu i ki put zakriču, a doli na moru mirno plavaju na bonaci, oli se za kon retkon ribicon zaletu. Ma kako je lipo tu sliku gledat i unako je z gušton i doživit..."

Objavljeno u Beseda po domaću
Utorak, 02 Listopad 2018 05:06

Rapski kantunić Josa Fafanđela: TUMBULI

Istešo, va ovomu pasanomu vrimenu od nikuliko dan dogodil se je ne jedan, nego šćeto i više tumbuli. Ako se je vrime najedanput, ma diboto za jedan jedini dan, prominilo od leta va jesen i ako smo od kratkih gaćic morali skočit va one od dugih nogavic, oštija, a ča je to nego jedan veli tumbul. I još se nato sada triba i naučit.

Objavljeno u Beseda po domaću

Inšoma, one starinske trgatve više na Rabu ni, baren ne one domaće po svakoj kući. Ali naš se čovik isto danas na muderan mod snajde. Oću reć, ni grozja, ni trsja ni, ali zato isto je vina po konobah.

Objavljeno u Beseda po domaću

Jušto i ravno prije sto godin, 14. sedmoga 1918. godine rodil se Josip Jugo Šuljić. Oće se ovih dan ki sitit toga čovika, rapskoga gimnazijalca, studenta i pjesnika poginuloga va ratu 1944. godine.

Objavljeno u Beseda po domaću

Svi se redon jadaju da je ove godine more mrzlo kako vrag pakleni. A naki mod će more i bit teplo ala lušije, kada je bura jušto ma sve do kanate od miseca duron puhala. I to šćeto po vražju, kako ča smo i sami mogli šervat. 

Objavljeno u Beseda po domaću

Ala šu, puno se toga i napak dogaja, ali valja reć ono ča je - da se puno toga more i na pravi mod dogodit. Ni triba baš sve gledat kroz škuri orćali. Moru bit škuri za sunce, ma neka stakla budu baren svitlo modra, oli zelena, pa se unda čoviku manje škuro pridase i čini. Na mod kako ča je onaj niki Mundanijac daval tovaru suho lozje za ist po zimi, a tovaru se to ni pijažalo, pa mu je un stavil naoči zeleni orćali za sunce i tovar je sve z gušton pogrizal i pobrstil.

Objavljeno u Beseda po domaću

Ma ne tako odavna došal mi je va ruke jedan mali, ali jako šestan libar, a tamo još 1999. godine napisala ga je Sandra Jerić- Maljić. Dabome Loparka, ka danas žive va Malomu Lošinju. Va tomu žutomu libriću skupljena je loparska narodna poezija i sve je puno lipote i jedne vele loparske duše, a Sandra mu je i lipo ime dala - ni manje ni više nego Murtelica.

Objavljeno u Beseda po domaću

E, rekal bi diboto uvako: kada puno puti piliš po jednomu, unda se reče da si već i Bogu i vragu dodijal.

Objavljeno u Beseda po domaću
Stranica 3 od 5