logo mix

Rab Danas

Nezavisni internetski portal otoka Raba

OLUJIC 1400X179

 

Niki dan pasivan kroz onaj naš lipi parkić Dorku i gledan - nima više jaslic. Celu sv. obitelj su raščinli i ponesli ća, pa i onoga moga kralja Gašpara ki je duron tamo stal z rasparanon haljon na hilu. Ni bilo nikoga da zeme iglu va ruke i zakrpa mu onu bužu. O tomu san i pisal i govoril dva oli tri put za redon. Pa san se domislil one znane - da pasi laju, a kravane pasivaju.

Objavljeno u Beseda po domaću
Srijeda, 30 Prosinac 2020 13:36

Rapski kantunić Josa Fafanđela: LIPA RIČ

Ako ste šervali pasanu kolumnu od ove godine nazval san "Gruba rič", pa se sve mislin kako ni lipo godinu na kanati popratit z grubiman nego z lipiman besedamin. Dabome, ova godina je more biti i zalužila da je na grubi mod potiramo, boj kuliko nas je s koronon namučila, evo ga na, sada nan je na kanati i ovaj grubi potres pruntala. A muka na muku, a ča drugo reć! Ma jopet, evo za ki dan će i Nova godina, pa se sve mislin kako su nan lipe riči puno potribnije nego one grube. Lipa rič je i najbolji poklon za ova blavdanska vrimena. I zato za kanatu, evo i Lipa rič.

Objavljeno u Beseda po domaću
Četvrtak, 24 Prosinac 2020 13:14

Rapski kantunić Josa Fafanđela: GRUBA RIČ

Inšoma, a ča da van rečen nego da se o ovoj nesrićnoj bolešćini, ku najviše zovemo korona, da se o njoj i sada puno piše i govori. A ja bi imil kuraja reć, da ako se ona potle nikoga vrimena i zatare, da će se o njoj i naprvo i pisat i govorit, more bit - još i više.

Objavljeno u Beseda po domaću

Dabome, a kako bi to bilo da se ja isto malo ne došuljan i do Grada. Kaj kvragu se rivaš?, reku mi niki ljudi, stoj doma, obolit ćeš!

Objavljeno u Beseda po domaću
Petak, 27 Studeni 2020 20:40

Rapski kantunić Josa Fafanđela: PRAĆA

Vrag zel i koronu! Duron nan samo priti i tira nas na strah i nove mire. Evo i kafići je zatvorila, pa se više ni nati mod nećemo moć kuntrivat. A naki mod ćemo unda doznivat ča je novoga.

Objavljeno u Beseda po domaću

Ovo smo već na polovici od jedanajstoga miseca, a to je unda najbolji sinjal da zazbilja nismo više ni va letu, a ni va jeseni, nego se pomalo šuljaju do nas i oni zimski dani. Bit će dažja, a bit će i one jače bure nego ča su ove od ovih dan, a dani će pomalo bit sve mrzliji. Gre zima!

Objavljeno u Beseda po domaću

Ma sve se pitan ča se ovih dan dogaja na Rabu? Ne va pulitici, nego da ča ljudi činu. E a unda san najprvo šerval niki dan, doli na butigi, jedan mali oglas ki navišćuje da se ta i ta uljara otvara. Ma naki mod se sada i to dogaja? pitan se ja. A svi redon kih sve pitaš govoru da ove godine masline nisu rodile. 

Objavljeno u Beseda po domaću

Pasivan ja niki dan susedu priko dvora, šerval me je, pa mi govori neka dojden malo kušat. "A ča?" , pitan ga ja. "A mlado vino, a ča drugo", govori un meni. I nebudi len, šal san ja šnjin va kuću, a un je na tavli već imil dva pota. Tobože, va jednomu čisto vino, a va drugomu, mezovin.

Objavljeno u Beseda po domaću
Ponedjeljak, 28 Rujan 2020 16:17

Rapski kantunić Josa Fafanđela: ŠKOLANTI

Gotovo je, korona i njezine užance šli su va naši životi i nećemo se toga tako lako liberat. Gre nan to pomalo va nauk. Tako san niki dan kuntral jednoga, gre po cesti i nosi masku. A ča će reć da nosiš tu trubicu i po vanu?, pitan ga ja. A un je unda masku z rukon naglo zgulil, pa govori: A vidiš ti ovo, zaburvil san vraga znet ća od nosa! Da, ako ovo zlo bude duralo i sviman namin će se pomalo to začat dogajat.

Objavljeno u Beseda po domaću

Mala Gospa je za Loparani dupli blavdan; i dan od Općine i blavdan od Male Gospe. Ben, ma odavna već, i ja nikakor isto iman nauk malo se tamo zaletit. Svi su prije toga govorili da će ove godine poradi korone i Lopari bit puno manje dogajanja. I je, ni bilo ni pečenoga vola, a ni onoga veloga šatora tamo na sazmorcu, pa unda ni tanci, dabome. Inšoma, bile su mise - i jutro i popodne, a i onaj veli sajam na bancima ni preskočen. Ma i to se je govorilo, da će ove godine bit mali sajam, tobože, puno manji. Ali ni bilo tako, nego me je znenadilo kuliko je bil veli, ma diboto isti kako i lani.

Objavljeno u Beseda po domaću
Stranica 1 od 7