logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
Ponedjeljak, 23 Siječanj 2017 21:16

Rapski kantunić Josa Fafanđela: SODOMA I GOMORA

Napisao/la
Ocijeni sadržaj
(2 glasa/-ova)
Rapski kantunić Josa Fafanđela: SODOMA I GOMORA Foto: Goran Novotny

Ono ča se je pasane šetemane kalalo na Rab i druga mesta kolo nas, a i dalje od nas, ne more se reć da je naše redovito zimsko vrime. Kada bura malo jače zapuše ki ta se zna jadat i njurgat na takovo vrime, ali oni drugi jopet znaju reć uvako: Ala muči, ne jadaj se, bura je pravo naše vrime! I ja bi se zotin složil. E ma bura je bura, ali ovo ča je puhalo pasanoga utorka, pa unda duron i celu sredu, a ne, to ni bura, to je šijun, zlo od veloga vetra, oli jušto Sodoma i Gomora, vrag pakleni.

Kupe su letile s krova, kite su pucale na voću i maslinamin, a na moru, na moru je bil još i veći pakal. Kaići su se potapali i razbijali, pucali su konopi, bloci se micali, a morinje je letilo z vetron da ni blizu mula ni bilo moguće koštat. Stojiš z daleka sakrijen zada kuć i špijaš tu silu od vetra, morinja i morskoga praha, a kaići se propinju, luduju, cime se natežu, pa kako da gledaš divlji konji pridase.

Mislin se ja, ma gren malo kod suseda da skupa laglje podilimo muku. Njega više muču masline, a meni je duron napamet jedino moj kaić. - Lako za maslinu, govorin mu ja, ako je i prebije, drugu ćeš posadit, pa će nova narast. Ali ča ako meni kaić kolo mula rastuče, ki će više drugoga kupit. To je muka, govorin mu ja.

I sve je to na jedan mod i lipo za vit, ali kada med timan kaićiman gledaš i svoj kaić, unda ti je muka, strah te lovi, živci se kako laštrik natežu i samo čekaš moment kada će konop puknut, a ludo morinje će kaić za tren va mul zabit i zasvin ga raskoričat. A niš ne moreš pomoć, nego valja stisnut zubi i poć doma, makar ni doma mira ni. Kako na miru ubedvat, kako spat kada znaš ča se na mulu dogaja? Pa unda za uru dvi, jopet na mul da vidiš ča je, a kaić se još muči i propinje, ma laglje ti je i sve se više nadaš da će konopi zdurat. Pa jopet greš doma va teplo, vetar te zanaša i lela, pasaš va kuću, a va kući škuro, i letrika je nestala. Mrak va kući, a vani šijun ki buče i nosi potići i drivlje naokolo. Uzato još sve ceste ztvorene i svi brodi za rivu su veženi. I misliš unda - ma ča je ovo? Rab je va mraku i velomu ragnju, kolo školja morinje luduje, svi smo kako brod va šijunu, jušto kako onaj Ukleti Holandez. Ne, ne, to ni ona naša lipa domaća bura, to je ciklun - da jušto tako - i Sodoma i Gomora i vrag pakleni...

Kupe su letile s krova, kite su pucale na voću i maslinamin, a na moru, na moru je bil još i veći pakal. Kaići su se potapali i razbijali, pucali su konopi, bloci se micali, a morinje je letilo z vetron da ni blizu mula ni bilo moguće koštat. Stojiš z daleka sakrijen zada kuć i špijaš tu silu od vetra, morinja i morskoga praha, a kaići se propinju, luduju, cime se natežu, pa kako da gledaš divlji konji pridase.

Nima pomoći. Moreš jedino kada sve ferma poć skuće van i pomalo brojit svu moguću škodu od nevrimena. A dokli nevrime dura, stoj va kući, muči i trepeći od muke. I jušto san nati mod i učinil, ali kada je i letrika nestala, mislin se ja, ma gren malo kod suseda da skupa laglje podilimo muku. Njega više muču masline, a meni je duron napamet jedino moj kaić. - Lako za maslinu, govorin mu ja, ako je i prebije, drugu ćeš posadit, pa će nova narast. Ali ča ako meni kaić kolo mula rastuče, ki će više drugoga kupit. To je muka, govorin mu ja. I tako ja i un va kući sami, ložimo oganj, bevandamo, ćakulamo i slušamo onu silu od vetra vani. A moj prijatelj Boris svako tuliko mi šalje poruku i pita da ča je s kaićen. I kako da mi je laglje, boj i un brižan misli na moj kaić. Daje mi kuraja, dabome. A sused se pita: Ma bože moj, a je i drugde struja nestala, oli je to samo ude kod nas? A ja, nebudi len, gren zvat jednu moju rođicu ka je isto doma sama, pa je pitan: A ča je s tobon, je te strah, drhćeš va kući oli se griješ? A ona mi govori: I strah me je, a još više i drhćen. A kako neću drhtat kada struje ni, a sve moje grijanje je jedino na letriku. Evo me, do grla san va deku zamotana. Nato mi sused maše z rukamin i pita me da ča je, ča govori? Nima letrike pa drhće, govorin mu ja. A un će unda naglas, da neka je rečen da dojde kodnjega pa da će je un dobro zgrijat. A ona je napol čula, pa me pita da ča ono njunja? Govori da neka dojdeš kodnjega pa da će te un zgrijat, poručujen ja. A ona će nato: Johi meni, ma ča ono govori!? Rekla mi je bog i prekinula. Uto baš sune jedan veli reful va barkun...Sodoma i Gomora.

Pročitano 3202 puta

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia