Home Beseda po domaću Rapski kantunić Josa Fafanđela: VALENTINOVO

Rapski kantunić Josa Fafanđela: VALENTINOVO

0
Rapski kantunić Josa Fafanđela: VALENTINOVO

Foto: RabDanas

Sve naše starinske pisme najviše i povidaju o nesrićnoj ljubavi i žalosti kada su nidanji mladići morali hodit najprvo va onaj prvi, pa unda i drugi rat. Na taj mod napisana je i ona pismica ku san našal va taški od kapota.

Sve naše starinske pisme najviše i povidaju o nesrićnoj ljubavi i žalosti kada su nidanji mladići morali hodit najprvo va onaj prvi, pa unda i drugi rat. Na taj mod napisana je i ona pismica ku san našal va taški od kapota. Va njoj se spominju dva imena: Osip, koga divojka od mila zove Joško i Ante ki se z rata nikad doma ni tornal. Za sinjal na starinski mod Valentinova, evo prebral san samo par kitic od te novonađene pismice:

Rab danas oglas

“Mala moja moje milo janje / Evo dojde naše rastajanje / Jer ja moram sada odlaziti / Tebe dušo mladu ostaviti. / Sićat ću se onog lipo dana / Kad si bila va kužini sama / Kroz prozor si ručicon mahala / I kod sebe mene dozivala. /

Mala moja moj rumeni cvijete / Ti kod mene više doći nećeš / Teško mi je takve riči čuti / Došlo mi je da ću se ubiti. / Dušo moja sjećat ću se tebe / Kad mi srce na čuki prezebe / I još kad se sjetim onog dana / Kad si bila u kužini sama /”

Puno se je od nas odavna već zamaškaralo, pa bi diboto rekal, kako bi ja danas više volil ono vrime kada se maske znimlju ća od obraza.

I ča potle ovoga još reć? Kuliko čujen mladiman je na Rabu pival Tedi Spalato, a za one malo starije, evo ja san i jednu starinsku “otpival”Lipo je i jedno i drugo. Ono muderno zato ča svit gre naprvo, a ono starinsko jopet zato ča je ljubav bila vajk ono ča će za vajk i ostat. I ni triba puno govorit, dosta je samo reć tu jednu jedinu rič – ljubav!

A potle Valentinova vreda su na redu i maškari. Ben ma pari mi se, da to ni jedino vrime kada se maškarete, oli maske, na obrazi stavljaju. Puno se je od nas odavna već zamaškaralo, pa bi diboto rekal, kako bi ja danas više volil ono vrime kada se maske znimlju ća od obraza. Dabome, da vidimo ki smo i ča smo!

E pa, sretno van Valentinovo!

Vaš Joso Fafanđel, Rab, 14.2.2017.

KOMENTIRAJ ČLANAK

Molimo, unesite Vaš komentar!
Molimo, ovdje unesite Vaše ime