logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
Petak, 10 Studeni 2017 21:42

Rapski kantunić našega Josa Fafanđela: POTIĆ ULJA

Napisao/la
Ocijeni sadržaj
(2 glasa/-ova)

Jedna sezona je finila, a evo kako da je druga arivala - sezona od branja maslin i lipoga vonja od maslinovoga ulja. Ljudi se prtu po skalamin i šmiču i zelene i zrele balice, a i uljare su zasvin va pogonu. Čujen da se je otvorila i ona ča je zovemo Dočićeva. E to me jako veseli, boj ako skupin i dvi-tri mine maslin vreda ću ih jušto tamo ponest za ulje učint. Govoru da se dobije litra-dvi manje, ali se zato dobije ulje ko duši kako rožica, ne samo po kući, nego i zvan kuće, na dvoru.

 

Da se naši stari zbudu rekli bi da smo poludili, tobože, da ki je vidil ovo doba masline brat. Sto puti san već rekal kako smo prije masline brali kada je bilo mrzlo, kada su već ruke zeble. I dabome, sve su redon morale bit zrele, unako lipe i črljene.

A masline su se na Rabu već odavna počale brat. Da se naši stari zbudu rekli bi da smo poludili, tobože, da ki je vidil ovo doba masline brat. Sto puti san već rekal kako smo prije masline brali kada je bilo mrzlo, kada su već ruke zeble. I dabome, sve su redon morale bit zrele, unako lipe i črljene. Moj pokojni otac bi to jako imil navar, pa bi sam odredil kada ćemo masline počat brat. A to je redovito bilo unda, kada na stupu nebi bilo više vit njanci jedne zelene balice.

A danas se bere jušto one propijo zelene. Ala šu, jedni govoru da je najbolje kada je stanje napol. Tobože, kada na stupu ima pol zelenih, a pol zrelih. Ne pačan se, ma meni to ulje ne duši po starinski.

Jedan moj sused je već nabral, a diboto dvi tone takovih maslin, a da je još tuliko ostalo za pobrat. A va susestvu od moje kuće posadil je dvajsetak maslin i onaj Lovre Matahlija. Ala šu, ma više žena mu Anka nego un. I gledan ja niki dan kako je Lovre s kunešicon podruku došal pobrat ovogdišnji rod. Ma kuliko san mogal šervat, rodil mu je samo jedan jedini mali stupić, pa bi Lovre ove godine lako mogal učint, a diboto jedan potić ulja. Ma mali, ne migo veli...

 

  • Napisal: Joso Fafanđel (Rab Danas - XI/2017.)
Pročitano 1659 puta

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia