logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
Petak, 17 Studeni 2017 21:44

Rapski kantunić našega Josa Fafanđela: STINICA

Napisao/la
Ocijeni sadržaj
(2 glasa/-ova)

A ki već nezna da su jušto na dan trinajstoga ovoga putnici za Rab, zasvin autobuson, ostali va Stinici. Partili su jutro za Rab i dočim su pasali Senj kalala se je na njih ona gruba škura bura.

 

Noć je pala, bura puše i lela autobus, ni nazad ni naprvo se ne more, a ča je najgore niki nezna do kada će sve to i durat. A ča je još najgore - ni kundota!

Pulicija je vreda ozad zalokotala cestu, a oni su šli naprvo sve do Stinice. I oni na trajektu su navrime vidlil ka ure je, pa su i oni malo prvije utekli na Mišnjak kadi je i sigurnije i teplije. I kolo devet uri šalje meni kumpanj Boris poruku: "Ja san va Stinici, bura puše, cesta je zatvorena, trajekti ne vozu, a va mobitelu struja na kanati"

Aha, sad si lipi, govorin ja sam sobon, i poradi te vražje struje nismo se čuli do drugoga dana. A kako je noć pasala znate već i sami, pa ni triba nanovo povidat. Srića da je šofer bil i dobar i iskusan čovik, pa in je bil napomoć i vela podrška.

Putnici za Rab va autobusu su bili celih celcatih trejset uri, a recimo, avion za Ameriku leti kolo osan uri.

Noć je pala, bura puše i lela autobus, ni nazad ni naprvo se ne more, a ča je najgore niki nezna do kada će sve to i durat. A ča je još najgore - ni kundota! A valja se ki put i pocurat, oli nedaj Bože i pokakat. A kako, kadi i naki mod, to bi tribalo jedino njih pitat. I to najprvo ženske, dabome.

Sve ovo pari da je pravo vrime za po tomu ča to i učint. Stinica je grubo mesto za tamo se zateć po celi dan i celu noć. Nisan pametan ča priporučit, ali ima onih ki bi morali o tomu študijat, boj rešenja ima i vajk ga mora i bit.

Navi mod se i na taj račun moremo jedino sulacat. Putnici za Rab va autobusu su bili celih celcatih trejset uri, a recimo, avion za Ameriku leti kolo osan uri. I partu tako moj Boris i njigov prijatelj od Rike - Boris za Rab, a njigov prijatelj priko Zagreba z avijonon va Ameriku. Borisa je zarobila Stinica, a prijatelj je šal va Ameriku, obavil je tamo svoj posal i drugi dan tornal se je nazad priko Zagreba va Riku. Ni pasalo ni dvajset i četire ure i pita un njigovi va Riki, da kadi je Boris? A oni mu govoru: "Hm, da Boris? Boris je još vajk - va Stinici!"

 

  • Napisal: Joso Fafanđel (17.11.2017.)
Pročitano 2310 puta

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia