logo mix

Rab Danas

Nezavisni internetski portal otoka Raba

  • Imperial Rab
Ponedjeljak, 18 Lipanj 2018 06:25

Rapski kantunić Josa Fafanđela: ZA TOVARA ORĆALI

Autor:
Ocijeni sadržaj
(4 glasa/-ova)
Rapski kantunić Josa Fafanđela: ZA TOVARA ORĆALI Foto: Hrvoje Hodak

Ala šu, puno se toga i napak dogaja, ali valja reć ono ča je - da se puno toga more i na pravi mod dogodit. Ni triba baš sve gledat kroz škuri orćali. Moru bit škuri za sunce, ma neka stakla budu baren svitlo modra, oli zelena, pa se unda čoviku manje škuro pridase i čini. Na mod kako ča je onaj niki Mundanijac daval tovaru suho lozje za ist po zimi, a tovaru se to ni pijažalo, pa mu je un stavil naoči zeleni orćali za sunce i tovar je sve z gušton pogrizal i pobrstil.

 

 

Tako i mi moremo kroz zeleni orćali gledat sve ono ča su ovih dan na Rabu govorili oni od Velamar-Imperijala, pa ministar Capelli, a i naš gradonačelnik, dabome. Sve samo med i mliko.

Nabrajali su lipe milijarde ča će ju ih pomalo rivat va naš turizam na Rabu, pa unda i bolje plaće, dabome. Sve je bilo lipo za čut, pa bi bilo lipo da in sve to za prvu ruku i virujemo. Oštija, a ča ćemo hodit nazad, misto naprvo! A to je i vela firma pa more puno tog veloga i učint. Zato mene navelo i jada ča su ovi naši od Imperijala prije vrimena prodali recimo onaj restoran Malin va Drazi. Lipa lokacija i sve novo učinjeno, a sada stoji za ruglo. Stakla su porazbijana, pa novi"gazde" sve pokrivaju zonan črnon mrižon da se to ruglo ne vidi. Ali isto se vidi.

Vidimo i mi, a vidu i naši gosti, na velu žalost. I to svake godine nanovo. A da ne govorin da je priz restoran i lipi trgić, popločan va mramoru. Tamo su se jednaput i priredbe i tanci dogajali, a sada pucaju i padaju one ploče od mramora i taču se skaline. Va malomu parkiću i oleanderi na silu rastu, a medanji je još i sada travina i priko pol metra visoka. Gosti pasivaju, a ni koga ni da travinu pokosi. I još med sve to najloni, prazne škatule od cigareti i bočice od plastike.

Turizam?! Ne, nego antiturizam i to od pet zvezdic. Tudi se ni tovara nebi moglo zeleniman orćaliman prevarit...

 

  • Piše: Josip Fafanđel, 15.6.2018.
Pročitano 2243 puta
Josip Fafanđel

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia

 

Popularno

Novi oglasi

Gliser Elan
( / Auto, moto, nautika)

Gliser Elan

Ford Cmax 2016.g.
( / Auto, moto, nautika)

Ford Cmax 2016.g.

Održavanje nekretnina
( / Nekretnine, zemljišta i prostori)

Održavanje nekretnina

Posljednje teme s tužibabe

U nastavku dostavljam slijed dopisa koje sam slao komunalnom redaru, gradonačeln...
Prije 1 godinu 0 12870
Imate neki problem koji treba netko riješiti... Ne znate tko je nadležan za rješ...
Prije 3 godina 0 21820

Novo u imeniku

Sea Kayak Croatia

Mala tvrtka za velike doživljaje na Jadranu!

Web Arba

Obrt Web Arba od 2005. posluje na otoku. Bavi se servisom računala i računalne opreme, izradom…