Home Beseda po domaću Rapski kantunić Josa Fafanđela: TRI SINJALA

Rapski kantunić Josa Fafanđela: TRI SINJALA

0
Rapski kantunić Josa Fafanđela: TRI SINJALA

Foto: Foto: Ervina Pahljina

Oštija, a znate vi naki mod ja najviše doznajen da se masline beru. Ma ono kada bi po celomu Rabu dobro rodile i kada ljudi prešu ki će ih prije pobrat i prvije doć na red za ulje učint. Doznajen to na mod, da va zraku čujen helikopter ki i po dva put dnevno unda doleti na Rab. Da, a to unda pari da se je niki z masline stumbulal i da je najmanje dva lebra prebil. Računan zato da ove godine prebijenih lebar neće bit, boj veloga roda od maslin ni, pa unda na svu sriću ni helikoptera još ni čut. 

 

Rab danas oglas

Ben, ma to unda pari, da jedniman i jesu. Intanto, ovoga puta san jušto nati mod doznal da su ljudi počali i masline brat.

 

Oštija, a znate vi naki mod ja najviše doznajen da se masline beru. Ma ono kada bi po celomu Rabu dobro rodile i kada ljudi prešu ki će ih prije pobrat i prvije doć na red za ulje učint. Doznajen to na mod, da va zraku čujen helikopter ki i po dva put dnevno unda doleti na Rab. Da, a to unda pari da se je niki z masline stumbulal i da je najmanje dva lebra prebil. Računan zato da ove godine prebijenih lebar neće bit, boj veloga roda od maslin ni, pa unda na svu sriću ni helikoptera još ni čut. 

 

Ben, ali naki mod doznat ča se još na Rabu dogaja. Po komu drugomu sinjalu. A evo dogodilo se da su ljudi kupili grozje, učinli vino i sada pomalo kuhaju rakiju.

Ma nebi ni to doznal, boj ja niman paćac za kuhat rakiju. Ali gren ovih dan va jednu kuću, jušo potle prvoga mraka, kučin i čovik mi otvara vrata. Gremo mi nutra, ali šerval san ja da se un nikakor lela i stoji unako nabok ala onih kaićev na mulu potle onoga pasanoga veloga dažja.

Ćo, ma ča je to, ki vrag ti je da tako nakrivo hodiš? pitan ga ja.

A un mi unako drito govori:

A pravo da ti rečen, malo san se napil!

Ma kadi si se kvragu napil, pitan ga ja, kada gostijone ni blizu nego samo Gradu?

I unda mi un povida tu istinu od kuhanja rakije. Ma najprvo je sel, dabome i ponudil je i meni jedan žmulj vina.

Ma znaš ča mi se je dogodilo, govori un meni, a zajik mu se isto malo zapliće, šal san ti ja danas popodne popeljat moje pajca kod čovika da mi skuha rakiju. Tako smo se i dogovorili, dabome. Ali i tamo je bilo, tobože, najprvo sedi, pa ćemo potle to od auta skrcat. A dokli san ja sedil, došal je i bocun vina na tavlu. Pa ćakara, ćakara i ni meni niš, ali kada se je tribalo dignut od katride, oho!, vidin ja da mi se noge nikakor zapliću. Ben, ma skrcali smo mi one moje pajca i odoh ja pomalo doma. I sve bi bilo dobro, da meni i doma ni vrag dal mira, nego san pojl malo onoga ča mi je ostalo od ubeda, a unda, dabome, spiza jopet išće žmulj vina. Pa unda jedan, pa i drugi žmulj i kako vidiš pasal san ja pomalo i priko cente.

I ni bilo druge, nego popil san i ja unda šnjin dva žmulja. Da, ali oćo, trećega više nisan otil, boj san bil va strahu da bi se i meni mogle počat na isti mod – noge zaplitat.

 

Inšoma, to su ta dva sinjala po kiman san mogal doznat ča se ovih dan na Rabu dogaja. Ma sve mi se pari da pomalo ariva vrime kada će se med namin sve manje toga dogajat. Mir na školju, reklo bi se. Ala šu, još dokli ni bilo ove vražje korone, još se je ča to i dogajalo, a baren tamo va našemu Gradu. A sada je i to korona pomutila, baren tako govoru, pa neće bit druge nego ćemo ove zime morat sve više i više doma stat.

Prvije bi se žene znale bunit kada bi in muži šli večer van. Od straha, dabome, da se doma ne tornaju unako na mod da se i njiman noge malo zapliću. Oli da se, nedaj Bože, kod kakove tuje žeske ne pošuljaju. A sada i to gre napak, pa će žene najviše mužiman govorit: Ma kadi kvragu greš? Stoj lipo doma na miru, boj bi kadi mogal i koronu pokupit.

Da, da, ni škuribande se više ne spominju – nego samo strah od korone ostaje. A ne daj Bože i toga trećega, ma jako gruboga sinjala.

 

Joso Fafanđel za Kantunić, 23.10.2020.

 

 

 

 

 

KOMENTIRAJ ČLANAK

Molimo, unesite Vaš komentar!
Molimo, ovdje unesite Vaše ime