logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
Utorak, 31 Siječanj 2017 20:57

Rapski kantunić Josa Fafanđela: LETRIKA

Napisao/la
Ocijeni sadržaj
(1 glas)

Tri dana ljute bure i tri dana letrike. Pa tri dana bonace, a tri dana bez letrike. Evo i ovu ćakulu pišen priz nagorenu šteriku, pa mi se prijtelj ruga da san kako Lav Tolstoj, a ja mu govorin da je Tolstoj baren znal da nima letrike, a mi znamo da je imamo, a nikad neznamo kada će nestat, a još manje kada će nanovo arivat.

A vidin ja i sam kako i kod nas na Rabu naš Panto sve žveljtije lipi slike onih ki su šli na drugi svit. A z druge bande brojimo i jadamo se kako se puno manje dičine rađa. Oštija, a to unda pari da je more bit naša vlast rekla uvako: Nima letrike, evo van mrak, pa se ča prije latite posla - dicu čint.

Letričari lauraju i po vrimeu i po nevrimenu i svaka in čast, a zato su se i školovali, ali oni va kancelariji školovali su se za pisat, pa bi nan baren mogli ki put napisat ča je na stvari i kada će letrika arivat. Ma jok, na tabelamin niš ne piše, va novinah još i manje, pa čekaj tovaru dokli trava naraste.

A unda mi pade napamet, a da ni to more bit niki novi program za našu demografsku obnovu? E da, boj duron pripovidaju da nas je va državi sve manje i manje. A vidin ja i sam kako i kod nas na Rabu naš Panto sve žveljtije lipi slike onih ki su šli na drugi svit. A z druge bande brojimo i jadamo se kako se puno manje dičine rađa. Oštija, a to unda pari da je more bit naša vlast rekla uvako: Nima letrike, evo van mrak, pa se ča prije latite posla - dicu čint.

Dočul san tako ovih dan da je i Lopari njihov velečasni držal prediku prid puno mladih divojak i još više mladićev, a jadal se je kako je Lopari bilo dvajset sprovodov, a va istomu štajunu da se je samo pet dice rodilo. I na kanati da je rekal kako to ni dobro, ali da je još gore ča un nezna - ča sada triba čint. Uto da su svi oni mladi redon prasli va jedan veli smih.

Inšoma, to pari da mladi jako dobro znaju ča triba čint. E pa kada znaju unda in evo i prlike. Ni letrike i ranije valja poć va postilju, pa neka baren dice bude. A mi stariji, a Bože moj, mi ćemo se malo strpit. Ako niš drugo, prid sviću se baren manje vidi kuliko smo ostarili. Ala, forca mladi, ni sve zlo za zlo!

Pročitano 1935 puta

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia