logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
Ponedjeljak, 06 Ožujak 2017 14:32

Rapski kantunić Josa Fafanđela: RAPSKI TANAC

Napisao/la
Ocijeni sadržaj
(2 glasa/-ova)
Rapski kantunić Josa Fafanđela: RAPSKI TANAC Foto: Hrvoje Hodak

Rapski tanac? Da, Rapski tanac i - kapa doli. Evo uvako: va zadnjih godinu dan gledal san tri priredbe ke su me mogle malo kolo srca požašćat. To su: Rapska fjera (vajk dobra i ne se va nju puno pačat), lanjski Festival miha va Loparu i Koncert FD Rapski tanac (30 godina), prid par dan Gradu va dvorani. Bravo i čestitke za 30 godina rada! Bravo i za njih, bravo za gosti, bravo za program, bravo za sliku pozornice i bravo za razglas.

Kada bi ja kako dite šal ča to na njivi materi pomoć, ona bi duron kopala, a ja bi malo kopal, a više se na motiku nabanđeval. Ča je?, pitala bi me ona. A ja bi se leno potužil: Ma, ni me volja! Mat bi nato rekla: A lipi moj, ako volje ni, unda je zovi pa će volja doć... Oću reć, Rapski tanac je ovih dan svu svoju volju pokazal, sobon su je nosili i ni je tribalo dozivat.

Sve je bilo na svomu mestu i zato sviman fala ki su na tomu laurali. Fala i svoj onoj mladosti i dičini ki su imili volje i dali truda da se veselu i da svojin veseljen i puno ljudi razveselu. To je jušto ono ča nan daje kuraja, da se na Rabu puno toga more učint uz samo malo dobre volje. Ki je rekal da se ne more i da niki neće? Evo, more se. Fali jedino šaka dobre volje i zera kuraja zokin sve to triba i malo zbande potampelat.

Kada bi ja kako dite šal ča to na njivi materi pomoć, ona bi duron kopala, a ja bi malo kopal, a više se na motiku nabanđeval. Ča je?, pitala bi me ona. A ja bi se leno potužil: Ma, ni me volja! Mat bi nato rekla: A lipi moj, ako volje ni, unda je zovi pa će volja doć... Oću reć, Rapski tanac je ovih dan svu svoju volju pokazal, sobon su je nosili i ni je tribalo dozivat.

Zato in za njihov jubilej darujen baren jednu malu tancarinsku anegdotu.

- Dva naša mladića šli su va ono staro vrime na tanci, ali jedan je od njih imil lipe nove postole, a drugi siromah niki stari okrpani opanci. Dabome, onaj z noviman postoliman je duron tancal, a onoga drugoga je bilo sran pokazat svoji opanci, pa ga je zamolil da mu makar za jedan tanac zajme njigove nove postole. Tako je i bilo. Obul je un te lipe postole i dočim je mih zasviril skočil je veselo va tanac.

Ma tuliko veselo da je počal skakat pol metra va zrak, dizat ruke i kričat: Jo ča mi je lipo, zletit ću, sada ću zletit! A onaj va kraju se je nato digal od katride, pa mu govori: Ćo, ne tako ne! Najprvo ti meni tornaj moje postole, pa unda zleti...

Čestitam, fala na svemu i kapa doli!

Napisal: Joso Fafanđel - Rab, 6.3.2017.

Pročitano 1970 puta

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia