Home Beseda po domaću Rapski kantunić našega Josa Fafanđela: RUKOMET

Rapski kantunić našega Josa Fafanđela: RUKOMET

0
Rapski kantunić našega Josa Fafanđela: RUKOMET

Foto: RabDanas

A unda čujen da je bilo na televizji kako su drugi dan ude na Rabu porazbijali stakla na kući od našega golmana Alilovića. A ki?, pitaju se ljudi. A ki nego oni ki su isto balu priko mere pumpali i zausput, isto priko mere – malo i bočice va sebe zlivali. A bog pameti, a ča drugo!

 

Rab danas oglas

A kada normalan čovik na miru gleda sve to balanje, oću reć sve te utakmice, unda se vreda vidi ki igra bolje, a ki slabije, ki gubi, a ki duron pobjeđuje. I z orćalima i bez orćali moglo se je jako doboro šervat da oni vražji Francuzi igraju najbolje, bolje od svih, dabome.

 

Ali ne, mi da smo bolji. Televizija pušća reklame, navija se, mi smo najbolji od svih, mi smo bolji i gotovo. A kada toj mulariji, a i oniman većiman malo šuškviman dojde mikrofon pod nos i kad ih se pita ki će pobjedit, evo ti ga na – jopet se navija – mi smo najbolji i mi ćemo šundrat Francuzi i to ni manje ni više nego za pet oli šejst goli. Mi Hrvati!, kako se je duron navijalo. Pa se je pušćevalo Tomsona, pa je i presjednica države skakala va zrak i samo ča ni šla šnjiman igrat, ali kako ča smo vidili niš ni pomoglo. Pobjedili su oni ki znaju bolje balat. I bez Tomsona i bez svoga presjednika.

 

Stavili su jedino svirit onu njihovu lipu Marseljezu, rastekli su se va igru, napunili našu mrižu i pobjedili, dabome. A unda čujen da je bilo na televizji kako su drugi dan ude na Rabu porazbijali stakla na kući od našega golmana Alilovića. A ki?, pitaju se ljudi. A ki nego oni ki su isto balu priko mere pumpali i zausput, isto priko mere – malo i bočice va sebe zlivali. A bog pameti, a ča drugo!

 

  • Napisal: Joso Fafanđel (26.1.2018.)

KOMENTIRAJ ČLANAK

Molimo, unesite Vaš komentar!
Molimo, ovdje unesite Vaše ime