logo mix

Rab Danas

Nezavisni internetski portal otoka Raba

OLUJIC 1400X179

 

×

Upozorenje

JUser: :_load: Nije moguće učitavanje korisnika sa ID: 745

Utorak, 31 Siječanj 2017 20:57

Rapski kantunić Josa Fafanđela: LETRIKA

Tri dana ljute bure i tri dana letrike. Pa tri dana bonace, a tri dana bez letrike. Evo i ovu ćakulu pišen priz nagorenu šteriku, pa mi se prijtelj ruga da san kako Lav Tolstoj, a ja mu govorin da je Tolstoj baren znal da nima letrike, a mi znamo da je imamo, a nikad neznamo kada će nestat, a još manje kada će nanovo arivat.

Ponedjeljak, 23 Siječanj 2017 21:16

Rapski kantunić Josa Fafanđela: SODOMA I GOMORA

Ono ča se je pasane šetemane kalalo na Rab i druga mesta kolo nas, a i dalje od nas, ne more se reć da je naše redovito zimsko vrime. Kada bura malo jače zapuše ki ta se zna jadat i njurgat na takovo vrime, ali oni drugi jopet znaju reć uvako: Ala muči, ne jadaj se, bura je pravo naše vrime! I ja bi se zotin složil. E ma bura je bura, ali ovo ča je puhalo pasanoga utorka, pa unda duron i celu sredu, a ne, to ni bura, to je šijun, zlo od veloga vetra, oli jušto Sodoma i Gomora, vrag pakleni.

Sezona je finila, a na onoj fešti - Kanati va našemu Varošu, da su najbolji bili jušto brunčići. Zato valja pofalit onih ki su se toga domislili, tobože, da se na toj fešti od kanate sezone kuhaju i gulaši oli bruditi va onima našiman starinskiman brunčićiman. I ne samo to, nego da se ljudi i takmiču ki će bolju spizu i parićat va timan brunčićiman.

Srijeda, 17 Kolovoz 2016 10:56

In memoriam - Gregur Emerik (1937-2016)

Netom, u ne tako davnim vremenima, pjevala se i slušala jedna od predivnih šansona; Kad umire pjesnik. U originalu jezika još je najljepše zvučala. Prisjetih se toga, pa pomislih ovih dana: a kako bi zvučala šansona pod sličnim nazivom: Kad umire glazbenik. Jer glazba i poezija neodvojivi su dio čovjekove duše i intimnosti. A glazbenik nas je i napustio. Umro je Emerik Gregur, kapelnik naše rapske limene glazbe.

Napisao: Josip Fafanđel 
- U pripremi za ovogodišnju Rabsku fjeru prolistao sam ovih dana, neznam po koji put već, knjigu Slovo o Rabu. Htjedoh se susresti sa stihovima Barakovićeve Drage, rapske pastirice, ali u toj knjizi neizbježan je istovremeno i susret sa Slobodanom Novakom, književnikom, akademikom i - Rabljaninom! Upravo jučer, pucnjem velikog topa, označili smo početak Fjere. Pucnjem, kojeg nije obožavao, jer bi redovito remetio njegov ljetni mir, u krletci iza zidina, kako je znao nazivati svoje rapsko obitavalište. Ovoga puta pucanj topa nije mogao čuti, jer krletka je prazna, a već drugog dana, u Zagrebu, zaplovio je na svoje posljednje putovanje. Da, Slobodan Novak, književnik, akademik i - Rabljanin!

Subota, 14 Svibanj 2016 20:00

Apoksiomen i naš lule

E da, sada lipo moremo poć Lošinj i vit onoga veloga Apoksiomena. I ča ćeš vraže, a ki će tamo prvi poć nego naši vridni penzijoneri. Skupilo se njih pun brod i još su sobon zeli svoji i naši prijatelji od Kočevlja. Potle san puno od njih pital kako in je bilo i kuliko in se je pijažal taj novi muzej i njigov Apoksiomen? Oni ki su to vidili nisu se mogli nafalit. Govorin oni ki su to vidili zato, boj da je bilo i onih ki za to nisu njanci malo marili, nego da su šli gledat hoteli.

Evo nas va danima od prvoga maja! Tobože blavdana od radnika i težaka. I to ne samo našega domaćega, nego težakov od celoga svita. Ali zaman, boj kuliko čujen sindikati da će za prvi maj štrajkat. A to pari da držva za njih ne mari priko mere. A kuliko san mogal šervat va katoličkomu kalendaru i crikva je težaka i radnika hitila na bandu. Boj čitan, piše tamo da je prvi maja 6. Uskrsna nedilja, a samo malin sloviman va zagradi piše da je i državni blavdan. Samo državni, ma ne ki i čigov blavdan. To pari da svi pomalo dižu ruke od radnika - i država i crikva. Misto toga danas se vajk spominju samo poslodavci, njiman da triba dat sad ova, pa sad ona prava. Zato ću jopet reć ono ča san i zdanjega puta rekal, tobože, da san nideri va novinah pročital kako se je danas sve napak obrnulo. Boj da su prije radnici i proleteri iskali pravdu i posal, a danas da to činu poslodavci - kapitalisti. A radniku - jedan - ma veli... kacamarin.

Petak, 15 Travanj 2016 12:14

Kvragu i stres

Slušan ovih dan na radiju pismu va koj na kanati pivaju: ...e da mi ljubav daju svaki dan... Lipo je to za čut, ali da se jušto nati mod i dogaja, e sve me je jako strah. A ki će ti vrag danas davat ljubav i to još svaki dan. Ni doma, a kamo li okolo. Ala šu, kod mladih se more bit još ča to od toga i dogaja, ali kod nas malo starijih, bojin se sve manje i manje. Zato mi ki smo već nakupili lipo brime tih vražjih godišć, mi isto sve više hlipimo da ljubavi ča više najdemo baren zvan kuće.

Srijeda, 23 Ožujak 2016 19:33

Vazan oli kada muški nose jaja na pijacu

Cela ova šetemana pasiva va sinjalu od Vazma. A začalo se još i prije, sve od Josipove, priko Maslinarice, pa do vazmene nedilje i vazmenoga ponediljka. Istešo, sve je to ove godine arivaloi malo ranije ča se more i šervat, boj ni zelenilo okolo još ni va onoj pravoj forci. E, ali kokoše, nebojse, one znaju svoj posal. Makar je Vazan arival ranije kokoše su navrime sedile na ložu i nesle jaja, kako da i one pazu va kalendar i šervaju da je Vazan blizu, pa valja na prešu i pune kuneštre jaj nanest. A ča bi i bil Vazan bez onih lipih domaćih jaj! Jaja za piturat, jaja za blagoslovit, jaja kuhana i jaja va onoj starinskoj golubici.

Četvrtak, 17 Ožujak 2016 09:40

Tlak od života

Bili smo kako kumpanija od fameje ovih pasanih dan, ne na jednomu, nego na dva rođendana. A ča se more kad se je tako i potrefilo, da jedan rođak ima rođendan, tobože danas, a rođica već zutra dan. Ali to ni važno, važno je da san zapametil kako su oba dva na svojiiman rođendaniman zanovitali da ih boli ovo, pa kako ih boli ono, a diboto samo ča nisu umrli od bolešćine.

Stranica 5 od 6

 

 RAT1 600

seakayakcroatia

 

BANNER350 BarbaSIME1