Beseda po domaću

Četvrtak, 31 Ožujak 2022 05:21

Rapski kantunić Josa Fafanđela: LopaRke

Napisao/la Josip Fafanđel

Nego kako da mi je žal! A ča to? A to ča nisan bil na otvaranju izložbe naših LopaRki gradu va Moderato Cafeu. A Hrvoje je baš lipo napisal ...Kad se ruke pune dobre energije i pozitivne motivacije slože, ništa nije teško i sve se može...

Objavljeno u Beseda po domaću

Više...

Četvrtak, 24 Ožujak 2022 05:33

Rapski kantunić Josa Fafanđela: NAŠI ZDENCI

Napisao/la Josip Fafanđel

Zbudin se pasanoga utorka, nagorin radijo kad čujen kako govoru da je toga dana - Svjetski dan voda. Istoga trena pade mi napamet kako san prije osan godin, pišuć Monografiju o 50. godišnjici našega Vrela, i ovo zapisal: "...Voda je nasušna potriba svakoga naseljenoga prostora, a voda i otok dvi su nerazdvojne, jušto zagrljene neminovnosti. Otočna povijest vodoopskrbe prirodna su vrela, lokve i bunari. Na Rabu se tekar puno potlije dogajaju nova bušenja i onaj…

Objavljeno u Beseda po domaću

Više...

Subota, 12 Ožujak 2022 13:22

Antiratni poetski kantunić Josa Fafanđela: rat i MIR

Napisao/la Josip Fafanđel

Ne, ni žbaljada ovo va naslovu, namjerno san rat napisal malin slovima, a MIR z veliman. Rat ne poštujen – i to je to. Na velu sriću ovih dan mi ga gledamo samo na televiziji i kadikod obrneš duron se čuje samo rat, rat, rat i rat. Ali ja čujen i jeku kako z one druge puno veće bande uporno i šaldo na to odgovara: MIR, MIR i samo MIR. Od veloga jada, latila me…

Objavljeno u Beseda po domaću

Više...

Utorak, 08 Ožujak 2022 02:36

Rapski kantunić Josa Fafanđela: UZ OSMI OD MARČA

Napisao/la Josip Fafanđel

Evo, i osmi dan od marča je arival! Jedni ga zovu Dan žena, a drugi Majčin dan, a ja ne marin je uvako oli unako, nego se tornivan na ono kako smo taj dan duron poklanjali ženskiman. Redovito uz lipu rič, uz cvetić od galohara, ča oće reć, na prvomu mestu - uz ljubav.

Objavljeno u Beseda po domaću

Više...

Nedjelja, 13 Veljača 2022 19:19

Rapski kantunić Josa Fafanđela: VALENTINOVO

Napisao/la Josip Fafanđel

A evo nan i Valentinova! Dabome, nisan mogal od manjega da ča to i o tomu ne zapišen, ali otvorin moji libri pa san šerval da san o tomu pisal i prije pet godin. I ča ću se unda mučit. Zel san malo toga, a zeru i novoga, pa evo ča se je rodilo.

Objavljeno u Beseda po domaću

Više...

Petak, 04 Veljača 2022 22:16

Rapski kantunić Josa Fafanđela: MODA

Napisao/la Josip Fafanđel

Još vajk je zimski štajun, a korona i naprvo dura jedino ča je ime prominila - ni više korona nego omikron! Ben ma to su stvari ke nas odavna već muču i malo se toga o tomu više i more reć, a ja bi volil za ovo doba godine i kakove drugojačije novitade. Ali malo mi toga ariva pod ruku za kakovu novu ćakulu učint.

Objavljeno u Beseda po domaću

Više...

Ponedjeljak, 24 Siječanj 2022 22:20

Rapski kantunić Josa Fafanđela: ČARE

Napisao/la Josip Fafanđel

Puno se toga kolo nas i med namin dogaja, a ja nisan ni vilenjak ni ukodlak, pa da moren šervat ono ča vi ne morete. Ma ni govora. Bože moj, a unda bi se govorilo okolo kako san ja ne samo ukodlak nego i čarobnjak. Ali, do sada takovoga glasa još ni bilo.

Objavljeno u Beseda po domaću

Više...

Srijeda, 05 Siječanj 2022 17:24

Rapski kantunić Josa Fafanđela: GODINA VIŠE

Napisao/la Josip Fafanđel

Evo nas va novoj godini i svi ćemo sada govorit kako smo još za jednu stariji. A meni baš to i ni jako po guštu. Oštija, a ča ne bi bilo bolje za reć kako smo godinu mlaji, a ne stariji. E i unda bi tekar vridilo čint kukanje, veselja i svakojake vesele munade. Ali ne, nego mi to činimo napak, slavimo i veselimo se kada smo još jednu godinu naprtili na sebe, kada smo…

Objavljeno u Beseda po domaću

Više...

Srijeda, 29 Prosinac 2021 15:02

Rapski kantunić Josa Fafanđela: CIP

Napisao/la Josip Fafanđel

Pravo da van rečen otil san se pozdravit z ovon godinon na mod da mučin i ne rečen njanci jednu jedinu besedu. Ben, ma isto san rekal kako to nebi bilo dobro nego da bi o godini ka pasiva isto valjalo reć dvi riči, a unda i ljudiman zaželit sve najbolje, a baren va ovoj drugoj - novoj godini. Je, lako je to za reć, ma valja isto bit va strahu da ljudi ne reku…

Objavljeno u Beseda po domaću

Više...