Rab Danas

Ovo smo već na polovici od jedanajstoga miseca, a to je unda najbolji sinjal da zazbilja nismo više ni va letu, a ni va jeseni, nego se pomalo šuljaju do nas i oni zimski dani. Bit će dažja, a bit će i one jače bure nego ča su ove od ovih dan, a dani će pomalo bit sve mrzliji. Gre zima!

Ma sve se pitan ča se ovih dan dogaja na Rabu? Ne va pulitici, nego da ča ljudi činu. E a unda san najprvo šerval niki dan, doli na butigi, jedan mali oglas ki navišćuje da se ta i ta uljara otvara. Ma naki mod se sada i to dogaja? pitan se ja. A svi redon kih sve pitaš govoru da ove godine masline nisu rodile. 

Gotovo je, korona i njezine užance šli su va naši životi i nećemo se toga tako lako liberat. Gre nan to pomalo va nauk. Tako san niki dan kuntral jednoga, gre po cesti i nosi masku. A ča će reć da nosiš tu trubicu i po vanu?, pitan ga ja. A un je unda masku z rukon naglo zgulil, pa govori: A vidiš ti ovo, zaburvil san vraga znet ća od nosa! Da, ako ovo…

Mala Gospa je za Loparani dupli blavdan; i dan od Općine i blavdan od Male Gospe. Ben, ma odavna već, i ja nikakor isto iman nauk malo se tamo zaletit. Svi su prije toga govorili da će ove godine poradi korone i Lopari bit puno manje dogajanja. I je, ni bilo ni pečenoga vola, a ni onoga veloga šatora tamo na sazmorcu, pa unda ni tanci, dabome. Inšoma, bile su mise - i jutro i…