logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
Petak, 17 Studeni 2017 21:44

Rapski kantunić našega Josa Fafanđela: STINICA

Napisao/la

A ki već nezna da su jušto na dan trinajstoga ovoga putnici za Rab, zasvin autobuson, ostali va Stinici. Partili su jutro za Rab i dočim su pasali Senj kalala se je na njih ona gruba škura bura.

Petak, 10 Studeni 2017 21:42

Rapski kantunić našega Josa Fafanđela: POTIĆ ULJA

Napisao/la

Jedna sezona je finila, a evo kako da je druga arivala - sezona od branja maslin i lipoga vonja od maslinovoga ulja. Ljudi se prtu po skalamin i šmiču i zelene i zrele balice, a i uljare su zasvin va pogonu. Čujen da se je otvorila i ona ča je zovemo Dočićeva. E to me jako veseli, boj ako skupin i dvi-tri mine maslin vreda ću ih jušto tamo ponest za ulje učint. Govoru da se dobije litra-dvi manje, ali se zato dobije ulje ko duši kako rožica, ne samo po kući, nego i zvan kuće, na dvoru.

Ponedjeljak, 23 Listopad 2017 11:54

Rapski kantunić našega Josa Fafanđela: KADI OGANJ GORI?

Napisao/la

Ma čujen da su naši vatrogasci ovih dan bili z brodon malo navigat. Vreda san rekal: bravo, boj oni su to i zaslužili. Po celomu svitu i dan-danas goru ognji, a kod nas na Rabu ne samo da ne gori, nego naši vatrogasci još i po moru navigaju, lipo na miru počivaju, veselu se i zausput još i ku ribicu ćapaju. I neka, boj su to zazbilja i zaslužili. Svake godine, a ne samo ovoga leta kada se poradi njih Rab more nanovo pofalit da veloga ognja kod nas jopet ni bilo. Zato bravo kumpanijo od našega DVD-eja, navigajte i naprvo potle svakoga leta, navigajte mirno i jedino imite navar boj, nedaj Bog, i brod se more nagorit.

Ne ove šetemane, nego odavna već, jednu san pismicu naspisal, a rekal san neka se zove - Daži. 


    Jugo puše / Oblak biži / Mokrinja se za robu ćapiva / A daži / Samo daži. / Kite kaplju / Sve je mokro / Pušća cerada / Voda toči / A daž pada i pada. / 
    Zemlja se natopila / Kabanica promočila / Trava leži / A beštije se rivaju i štišću / Nebo lampa i grmi / A vajk i duron / Samo daži i daži. 

Petak, 25 Kolovoz 2017 12:27

Rapski kantunić Josa Fafanđela: MUKA VELEBITA

Napisao/la

Ne pametin kada san va zadnje vrime zel krnoćal varuke. I nećete virovat, tobože, ča me to zanima i ča to gren van s krnoćalan redovito popazit? Oni od sulaca će ju promislit kako gren pazit kakovu mladu žensku. Ali ni to, a bilo bi bolje da je tako, nego svako tuliko virin gori va naš Velebit.

Ponedjeljak, 06 Ožujak 2017 14:32

Rapski kantunić Josa Fafanđela: RAPSKI TANAC

Napisao/la

Rapski tanac? Da, Rapski tanac i - kapa doli. Evo uvako: va zadnjih godinu dan gledal san tri priredbe ke su me mogle malo kolo srca požašćat. To su: Rapska fjera (vajk dobra i ne se va nju puno pačat), lanjski Festival miha va Loparu i Koncert FD Rapski tanac (30 godina), prid par dan Gradu va dvorani. Bravo i čestitke za 30 godina rada! Bravo i za njih, bravo za gosti, bravo za program, bravo za sliku pozornice i bravo za razglas.

Petak, 03 Ožujak 2017 14:18

Rapski kantunić Josa Fafanđela: JURE PIŠKANAC

Napisao/la

Va Novomu listu, dan-dva potle mesopusta, pisalo je uvako: Maškarana mladost zasjenila zlotvora Piškanca. Bravo, mislin se ja! Ala sada lipo zamislite da je recimo potle maškar na Viškovu pisalo va novinah isto uvako: Maškarana mladost zasjenila Halubajske zvončare. Svi bi to doživili kako škandal, dabome. A mi na Rabu niš, jušto kako da se niš ni dogodilo ni. A dogodil se je jušto škandal. Ako je mladost debandala Piškanca, a ča je to drugo nego škandal?

Ponedjeljak, 13 Veljača 2017 19:52

Rapski kantunić Josa Fafanđela: VALENTINOVO

Napisao/la

Inšoma, govori se da je Valentinovo dan od ljubavi. Niki dan, a potle više od dvajset godišć, otvoril san ja jednu starinsku škrinju va koj na šufitu (granaru) čuvan nidanju robu još od moje pokojne babe, a jedan del i od matere. Med tan robon našal san i jedan stari kapot od moga pokojnoga oca, a va taški od toga kapota napipal san i jednu zgibljenu karticu. Otvoril san je, a va njoj z rukan i običnon olovkon napisana je jedna pismica, od celih celcatih 59 kitic. Pismica je ljubavna dabome, a zove se "Kako je teško dragu ostaviti". Evo ga, rekal san sam sebi, evo malo starinske ljubavi, jušto za Valentinovo.

Utorak, 31 Siječanj 2017 20:57

Rapski kantunić Josa Fafanđela: LETRIKA

Napisao/la

Tri dana ljute bure i tri dana letrike. Pa tri dana bonace, a tri dana bez letrike. Evo i ovu ćakulu pišen priz nagorenu šteriku, pa mi se prijtelj ruga da san kako Lav Tolstoj, a ja mu govorin da je Tolstoj baren znal da nima letrike, a mi znamo da je imamo, a nikad neznamo kada će nestat, a još manje kada će nanovo arivat.

Stranica 5 od 7

seakayakcroatia