logo mix

Rab Danas

Nezavisni internetski portal otoka Raba

IMP2022 Gif animacija

 

A smijen se brate samomu sebi. A da, boj se nikakor ne moren odilit od stare godine. Slušan niki dan prognozu vrimena na televiziji, pa govori ona prognozerka da je pal snig na Velebitu. I to prvi, govori ona. A ja samo ča je nisan poslal va onu stvar, pa govorin: Ma kako prvi, a ča ni niki dan isto pal snig na Velebitu. A ona nato nastavlja svoju prognozu, pa govori, da je to prvi snig va ovoj godini. I tekar unda san ja došal sebi, pa je govorin neka mi skuža, boj da ona ima pravo.

Objavljeno u Beseda po domaću
Četvrtak, 29 Prosinac 2022 22:02

Rapski kantunić Josa Fafanđela: SRETNA NOVA!

Naš stari trgovac Koštanto imil je Gradu svoju butigu, pa bi se za cenu svoje robe navi mod falil: "Ljudi, hote kod mene kupovat! Oni drugi van dižu cene za sto posto, a ja ne, ja robu kupin za dinar, a prodan je za dva. I jušto sada kada tiramo kunu ća, a vazimljemo euro, o skupoći se još više ćakula. Tobože da će i euro bit kriv da će se cene ne samo zaokruživat nego i dizat gori. I tako se samo muka na muku nadodivaju, pa neće bit druge nego zet varuke jedan veli kosor pa sve to dračje od zla redon pokosorat. Oli zet pilu pa sve gnjilo popilit.

Objavljeno u Beseda po domaću

Malo pomalo, dan po dan, i evo nas na kanati od još jedne godine. Jedan put, dokli je još Panto bil na svomu "poslu", rekal san uvako: "Neka se Panto jada kuliko ga je volja, ali meni je isto jako drago da ga je puno od nas uspilo i prevarit. Preživili smo!"

Objavljeno u Beseda po domaću
Utorak, 06 Prosinac 2022 09:32

Rapski kantunić Josa Fafanđela: DOŠAŠĆE

Da, po onoj mojoj grintavoj paroli, tobože, da vrime teče kako munjeno, evo, arivali smo i va dvanajsti, ča oće reć - zadnji misec va godini. A kako da smo se još čera kupali! Zimski štajun navaljuje. Varamente, ni kod nas ni vele mrzlinje, ni sniga, ni leda, ali dogaja se jušto unako kako iman nauk to reć - svaki dan je za pol grada sve mrzlije.

Objavljeno u Beseda po domaću

A ki je rekal da se kod nas na Rabu niš novoga ne dogaja? Ala šu, more bit po zimi malo manje, ali po leti da. Evo recimo, nidiri san šerval (a bit će jopet na internetu) kako je jedan napisal da se je ovoga leta na Rabu dogajalo i puno lupežarije. A niš novoga, mislin se ja, boj toga je vajk bilo i bit će. Znalo se je, recimo, krast i gostiman po plažamin, ali sve bi to bilo unako na malo, male lupežarije, ne unakove i na isti mod kakove se ono va državi dogajaju kadi se z miijuniman barata. E to se već zove krađa, oli lupežarija.

Objavljeno u Beseda po domaću
Ponedjeljak, 24 Listopad 2022 17:03

Rapski kantunić Josa Fafanđela: LIPO VRIME

Jušto se pitan ako vridi more bit potrošit dvajsetak besed za ćakulu o vrimenu? Varamente, vrime se je priko nedilje malo na drugi mod obrnulo, ali govoru oni od prognoze da to neće puno durat i da će još bit onoga lipoga babljega leta. Ali valja imit napamet kakovo je vrime bilo va ovih pasanih par, a i više šeteman. A lipo brate, da bolje ne more bit? Eto, zato jušto vridi i o lipomu vrimenu potrošit par onih besed.

Objavljeno u Beseda po domaću
Ponedjeljak, 17 Listopad 2022 20:07

Rapski kantunić Josa Fafanđela: LAMBIK

Da, bablje leto još dura. A to je, ako ćemo pravo, i pravi štajun za brat masline, a i za kuhanje mladoga vina va bačvamin. Pa makar i va oniman od gozja, misto onih nidanjih drvenih, ke su davale i onaj pravi gušt onomu našemu domaćemu črnomu vinu.

Objavljeno u Beseda po domaću

Da, da - svi smo se pomalo prestrašili da će potle leta mrzlo vrime na prešu arivat. Kalmale su one vrućine pa su se na jedan put i gosti prestrašili i utekli su doma kako opareni. Da ne rečen kako san po cesti počal kuntrivat i oni mali kamijoni ki vozu drva na Rab, a i to je jedan sinjal ki drugi štajun navišćuje.

Objavljeno u Beseda po domaću

Pisal san niki dan o našemu Malinu (Mlinici) na Rabu, ki je va zadnje vrime dosta zabolil, pa ne samo da više ne melje nego jako boluje i propada. Dabome, to su grube novitade, ali ovoga putu nećemo o grubiman nego o oniman lipiman.

Objavljeno u Beseda po domaću

Jušto na začetku od miseca zel san va ruke jedne novine, pa nutri piše veli naslov i to uvako: Potle više od 50 godin klepeće mlinica u selu Korana. A otili su reć da je tamo potle puno vrimena obnovljen najstariji mlin va Nacionalnomu parku Plitvička jezera.

Objavljeno u Beseda po domaću
Stranica 1 od 12