logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
JUser: :_load: Nije moguće učitavanje korisnika sa ID: 744
Srijeda, 23 Ožujak 2016 19:33

Vazan oli kada muški nose jaja na pijacu

Napisao/la

Cela ova šetemana pasiva va sinjalu od Vazma. A začalo se još i prije, sve od Josipove, priko Maslinarice, pa do vazmene nedilje i vazmenoga ponediljka. Istešo, sve je to ove godine arivaloi malo ranije ča se more i šervat, boj ni zelenilo okolo još ni va onoj pravoj forci. E, ali kokoše, nebojse, one znaju svoj posal. Makar je Vazan arival ranije kokoše su navrime sedile na ložu i nesle jaja, kako da i one pazu va kalendar i šervaju da je Vazan blizu, pa valja na prešu i pune kuneštre jaj nanest. A ča bi i bil Vazan bez onih lipih domaćih jaj! Jaja za piturat, jaja za blagoslovit, jaja kuhana i jaja va onoj starinskoj golubici.

Četvrtak, 17 Ožujak 2016 09:40

Tlak od života

Napisao/la

Bili smo kako kumpanija od fameje ovih pasanih dan, ne na jednomu, nego na dva rođendana. A ča se more kad se je tako i potrefilo, da jedan rođak ima rođendan, tobože danas, a rođica već zutra dan. Ali to ni važno, važno je da san zapametil kako su oba dva na svojiiman rođendaniman zanovitali da ih boli ovo, pa kako ih boli ono, a diboto samo ča nisu umrli od bolešćine.

Subota, 05 Ožujak 2016 21:17

A ča je, a kadi su van... šugamani?!

Napisao/la

Po sviman našimin mestiman z'ove bande Raba, durali su ovih dan sastanci za parićivanje turističke sezone. A hodila je po seliman cela kumpanija od vlasti, turizma i komunalij. I svaku večer bili su va drugomu našemu mestu. To je za pofalit, dabome. Boj to će na svoj mod pomoć ljudiman da se za sezonu ča bolje parićaju, a oni ča o tomu vodu računa, oni će ju isto doznat ča sve ne gre kako po loju, pa kuliko budu mogli to ćeju malo po malo i znivelivat.

Petak, 12 Veljača 2016 13:53

Maškri bez maškar

Napisao/la

Celu celcatu šetemanu gnjavili su nas jugo, daž i oblačine svake sorte. A zamislite, sunce se je naviše pokazalo jušto na dan od mesopusta, kako da je otilo reć: evo ljudi, molat ću vas da se veselite i uživate va zadnjemu delu od maškar. I bilo je tako samo za vrime duranja onoga suđenja našemu Juru Piškancu, va Varošu, a potle toga opet jako jugo, pa po noći i daž. Ali zaman je nas vrime pustilo da se malo zimašemo na dan mesopusta kada smo mi Rabljani, pari mi se, zasvin va zadnje vrime i maškari zapustili. Oni stariji više zato ne maru, a oni mlaji su se tuliko zlenili da ih nideri više ni njanci za vit. I tako su kod na na Rabu pasali maškri bez maškar. A dodar ni naš Imperijal ni bil vridan baren par šak čevapčiči hitit na ploču. I tako se je dogodilo, da mužika sviri, a tanci ni. Ne pačan se, ma niki vrag se na grubi mod dogaja. Debandali smo maškaranje, pa se sve bojin da gre pomalo vrime kad će nas drugi na svoj mod maškarat. A ni mi baš jako drago kada me drugi oćeju na silu maškarat, oli - od mene vizeru učint.

Srijeda, 22 Travanj 2015 05:55

Cu tovar, cu!

Napisao/la

Jako se dobro sjećam našega zadnjeg tovara. Na gumnu bi me uvijek dočekala ogromna glava koja je stršala preko mocire od mošuna. Imao je golemu trbušinu i uvijek je bio gladan. Jeo je sve. Jednom je pojeo i djedovu kutiju s cigaretama. Pomalo me podsjećao na staroga gusara koji svoje posljednje dane provodi u okovima, revući pjesme iz nekih slavnih vremena, glasom nagriženim duhanom i rumom, iskešenog osmijeha koji otkriva trulu krezubinu. Nedostajala mu je samo velika zlatna alka u onim predimenzioniranim ušima.

Četvrtak, 16 Travanj 2015 20:09

Gadi

Napisao/la

Pamtin to kako da je bilo segutra, bijaše to onaj dan kad je umrl praded. Ti si još bil mali. Kolo ure od Zdravomarije babe su ćakulale uz kavsu kako je jedanput praded šal Kalifrant zet naramak drv.

Nedjelja, 22 Ožujak 2015 18:21

Evropa i bokin

Napisao/la

 A ča triba i govorit? Evo ga, brate, još samo par miseci i jušto smo va Evropu arivali. I ne da meni vrag mira nego me tira da o toj ćakuli isto povidan, a baren par besed, ako niš drugo. Malo po malo i evo, naoštril san se. Kad jušto ovih pasanih dan naletih ja na jedan mali librić od sulacov i ni mi jopet vrag dal mira, nego, ala, obrnut ću par listov da šervan ča se to nutriva tomu libriću dogaja. Oćo, obrćen ja list po list i to je bilo dosta da se i moja ćakula o Evropi obrne na jedan drugi mod. Jušto taj mali librić natiral me je ča to reć kako se je to va Evropu hodilo. A Bože moj, valja reć ono ča je. Niko vrime potle onoga Drugog rata i ni se baš lako moglo poć priko granice. A ude, kod nas, s prva i ni bilo nike vele obilance pa su mladi ljudi jedno vrime zeli nauk da va Evropu idu na silu, na prevaru. Tako se je dogajalo da se ča to za potribu skupi va kakovu malu torbicu i unda priko noći biž najprvo va Sloveniju pa priko najviše va Taliju. I ako je bilo sriće, ljudi bi pasali priko, a ako ne, ako te latu, unda torna nazad. Eto, i na ti modi se je jedan put hodilo va Evropu.

Četvrtak, 05 Ožujak 2015 18:44

Ča grubo, a ča lipo vonja

Napisao/la

Gosti su već pomalo partili ća, doma po svojiman kućamin. Muli su prazni, ni vit glisera, pa su bove tako jadne ostale same. Lelaju se samotno na jugu i burinu i kako da jedva čekaju kada će njihovi gliseri nanovo arivat. Ali i gliseri su partili. Na svojiman prikolicamin, po suhomu i već su se okolo po svitu jedan po jedan pomalo va teple garaže kolegali. I neka, ali daj Bože da se dogodine jopet tornaju i nanovo zagrlu svoje bove ke ih celu zimu željno čekaju po našiman muliman. 

Ponedjeljak, 02 Ožujak 2015 18:48

Eurofiskalomalinada

Napisao/la

Ne, nisan pošempijavil, a nisan još ni munjen, ni klavrn. Tobože, boj da san ovo zgora unakov naslov nabandal. Ne, nego neka se ova ćakula jušto tako i zove. Pričezo tako: eurofiskalomalinijada. Oštija, od kad smo va Evropu zakoračili, još više se lovimo svakojakih mudernih, a najviše tujih besed. Va kompjuterima pugotovo, tamo je puna kapa tujega zajika. A dodar smo, ma odavna već, i sve nove firme krstili po tuju, a da ne govorin kako i dici dilimo tuja imena. Ni više ni Pera, ni Mata, ni Frana. Sada su samo Kristijani, Noe i Sebastijani. I eto, kada je već tako, a tako i je, unda i ja iman pravo zmislit, a baren jednu, novu i mudernu besedu. I evo van je: eurofiskalomalinijada. A vi lipo čitajte ovu ćakulu do kanate pa ćete i sami šervat ča ta beseda zapravo pristavlja. A ja ću van to i reć – pristavlja, brate, ono ča van sve danas oću povidat.

Stranica 8 od 9

 

 RAT1 600

seakayakcroatia

 

BANNER350 BarbaSIME1