logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
JUser: :_load: Nije moguće učitavanje korisnika sa ID: 744
Nedjelja, 22 Ožujak 2015 18:21

Evropa i bokin

Napisao/la

 A ča triba i govorit? Evo ga, brate, još samo par miseci i jušto smo va Evropu arivali. I ne da meni vrag mira nego me tira da o toj ćakuli isto povidan, a baren par besed, ako niš drugo. Malo po malo i evo, naoštril san se. Kad jušto ovih pasanih dan naletih ja na jedan mali librić od sulacov i ni mi jopet vrag dal mira, nego, ala, obrnut ću par listov da šervan ča se to nutriva tomu libriću dogaja. Oćo, obrćen ja list po list i to je bilo dosta da se i moja ćakula o Evropi obrne na jedan drugi mod. Jušto taj mali librić natiral me je ča to reć kako se je to va Evropu hodilo. A Bože moj, valja reć ono ča je. Niko vrime potle onoga Drugog rata i ni se baš lako moglo poć priko granice. A ude, kod nas, s prva i ni bilo nike vele obilance pa su mladi ljudi jedno vrime zeli nauk da va Evropu idu na silu, na prevaru. Tako se je dogajalo da se ča to za potribu skupi va kakovu malu torbicu i unda priko noći biž najprvo va Sloveniju pa priko najviše va Taliju. I ako je bilo sriće, ljudi bi pasali priko, a ako ne, ako te latu, unda torna nazad. Eto, i na ti modi se je jedan put hodilo va Evropu.

Četvrtak, 05 Ožujak 2015 18:44

Ča grubo, a ča lipo vonja

Napisao/la

Gosti su već pomalo partili ća, doma po svojiman kućamin. Muli su prazni, ni vit glisera, pa su bove tako jadne ostale same. Lelaju se samotno na jugu i burinu i kako da jedva čekaju kada će njihovi gliseri nanovo arivat. Ali i gliseri su partili. Na svojiman prikolicamin, po suhomu i već su se okolo po svitu jedan po jedan pomalo va teple garaže kolegali. I neka, ali daj Bože da se dogodine jopet tornaju i nanovo zagrlu svoje bove ke ih celu zimu željno čekaju po našiman muliman. 

Ponedjeljak, 02 Ožujak 2015 18:48

Eurofiskalomalinada

Napisao/la

Ne, nisan pošempijavil, a nisan još ni munjen, ni klavrn. Tobože, boj da san ovo zgora unakov naslov nabandal. Ne, nego neka se ova ćakula jušto tako i zove. Pričezo tako: eurofiskalomalinijada. Oštija, od kad smo va Evropu zakoračili, još više se lovimo svakojakih mudernih, a najviše tujih besed. Va kompjuterima pugotovo, tamo je puna kapa tujega zajika. A dodar smo, ma odavna već, i sve nove firme krstili po tuju, a da ne govorin kako i dici dilimo tuja imena. Ni više ni Pera, ni Mata, ni Frana. Sada su samo Kristijani, Noe i Sebastijani. I eto, kada je već tako, a tako i je, unda i ja iman pravo zmislit, a baren jednu, novu i mudernu besedu. I evo van je: eurofiskalomalinijada. A vi lipo čitajte ovu ćakulu do kanate pa ćete i sami šervat ča ta beseda zapravo pristavlja. A ja ću van to i reć – pristavlja, brate, ono ča van sve danas oću povidat.

Nedjelja, 01 Ožujak 2015 17:35

Morski tići I

Napisao/la

Teraca tete Nevenke ostat će mi u sjećanju po tome što je nama, mulariji s Gornje ulice, služila za gledanje filmova u Ljetnom kinu. Istina, malo je zvuk kasnio pa su loše sinkronizirani kung-fu filmovi zvučali još gore, ali sumnjam da ću bilo koje IMAX-kino upamtiti tako živo kao tu teracu. Osim njene funkcije VIP-lože za projekcije u Ljetnom kinu, istu teracu teta Nevenka je koristila i kao hranilište za različite životinje. Sjećam se jednog sivosmeđega galeba kojeg je tamo hranila zajedno s još nekoliko ćoravih i cotavih mačaka pa je postao toliko pitom da je jeo iz ruke. Mačke je uglavnom zvala (i još ih uvijek zove) Mikić i Tikić, a toga smeđega galeba zvala je Martin. Ne sjećam se što se dogodilo s Martinom. Znam samo da je nestao nego se preobrazio u bijelog, odraslog Martina. Od tada su svi sivosmeđi galebovi za mene Martini.

Stranica 8 od 8

seakayakcroatia