logo mix

Rab Danas

Nezavisni internetski portal otoka Raba

OLUJIC 1400X179

 

Utorak, 06 Travanj 2021 12:06

Sve pisme od svita, a najviše domaće, bile su ljubav za njega, za njigovo grlo i njigov glas. A ono blagdansko Bog se rodo, otpivali su un i njigov brat zajedno, i snimilo se to da bi za vajk ostalo. Snimilo se i Rapski tanac - trud, volja i ljubav Udruge rapskih umirovljenika, a Marinko neizostavno zajedno s njiman.

 

I, ma kadi bili, a ki će povest pismu nego Marinko. Zato simbolično zvuči izjava njigovoga pokojnoga prijatelja Josa Miša - Pacula, kako je Marinko na jednomu izletu va Sombor, va atutobusu počal pismu na izlasku iz grada, a pivajuć celim puten, prestal je pivade tek va Stinici. A da ne bi falilo nastavil bi i od Stinice do Raba, pa na kanati i još dvi za rastanak, za doma poć. To je bil Marinko, komu jedno velo fala na svakoj pivadi, na svakomu tancu i na svakomu brimenu od smiha i sulaca.

 

Josip Fafanđel (5.4.2021.)

 

 RAT1 600

seakayakcroatia

 

BANNER350 BarbaSIME1